Retail therapy

Ég er komin með löngunina aftur til þess að fara í bæinn 

og eyða öllum peningnum mínum í ný föt. 

Mig langar að kaupa prjónaðar peysur í hlýjum litum sem segja: 

,,Ég er klár, þú getur treyst mér.” 

Mig langar að kaupa lítil pils sem segja: 

,,Ég er skemmtileg og sæt.” 

Doppóttar sokkabuxur sem þú horfir á og hugsar: 

,,Mér líkar við hana.” 

Þung, dýr kerti sem lykta eins og vetrarskógur og te og kærleikur 

og kannski þá mun lyktin hellast yfir mig 

og renna saman við mig – verða að mér.